H. Ngurliana Memorial Football tournament ah Second Prize kan la.

H. Ngurliana Memorial Football Tournament, Bungtlang 'S' a khelhah Ngengpuitlang YLA te chuan Pahnih na kan la a. Final ah Sang Sang Football team chu 6-2 in kan hneh zo lo ani. He inkhelah hian Ngengpuitlang atangin.
1. Lalpeka
2. Thuama
3. Paliana
4. Lalmaka
5. Zauva
6. Ruata
7. Madinga
8. Duata
9. Zorema
10. Thliara
11. Pasuia ten an khel a ni....Nakumah chuan Pakhatna kan ni tawh ang...

Roluahpuia kan chan ta.!!

Kan Zirlaipui duhtak,  K. Roluahpuia s/o K. Lalbiakthara chuan ni 15-11-2012 zan dar 11:05pm khan a thiante leh chhungte kohna pawh hre chang zo loving chatuan ram min lo pan san ta....!! The Shadow Editorial board te chuan ka uitak zet a, khawhar chhungte Lalpa'n awmpui rawh se..

I hria em?

Sai hian mel thum a hlaa tui rim a hre thei.

Mihring tih lovah chuan zawng chikhat Chimpanzee te hian darthlalanga an mahni thla an hre thei ve tlat.

Khawvela savate ber chu Humming bird ania, gram 1 vel chauh a rit a ni.

Sava zinga 75% te hi thla ruk chauh an dam.

Thloh hian second khat chhungin vawi 20 vel zet thing a chuk hman.

I pumpuia acid awm kha blade chiah zawp thei khawp a chak a ni a, chu chuan I pumpui pawh kha a ti pawp nghal thei a nia. Vanneihthlak takin kan pumpui cell te hi an in thlak zung zung a, acid hian a ei pawp hman lo a ni.

Mipa aiin hmeichhia hian a letin a mit an khap zing zawk.

I pianhma thlaruk kalta atang khan I ha kha a lo in siam tan tawh

LIKBK Khawmpui Ngengpuitlang Bethesda-in thleng.

Tuithumhnar bial LIKBK khawmpui chu Ngengpuitlang Bethesda Kohhran-ah ni 26 October 2012 ah khan tan a ni a, palai mi 230 vel an rawn kal a, karleh monday ni 29 hian a tiak ang...Palai lo kal zawmg zawngte The Shadow in hlimtaka khawmpui hmang theuh turin duhsakna kan hlan a che u.

Baptist Mission School Ngengpuitlang Pian Chhuah Dan

LALHRIATPUIA CHHANGTE
HEADMASTER,
BMS NGENGPUITLANG.

Sikul Logo

 

Ngengpuitlangah hian Baptist Kohhran hi Ni 4 October 2009 ah alo ding tan a. Tichuan hetia kohhran alo din takah chuan zirna in te hi BCM Head quarters-ah te dil ve ila kan khawtlang pawhin hma kan sawnpui ang tih rilru puin Local churh committee chuan alo rel a. Ngengpuitlang hi Bungtlang ‘S’ Pastor bial chhunga awm anih avangin, chu chu bial committee-ah thlen leh a ni a. Bial Committee chuan pawmpuiin BCM Mission department-ah a thlen leha anni’n ngun taka ngaihtuahin sikul hi pek an lo remti ta a. Hetia sikul a din theihna atana ngaihtuahna sengtu mimal tam tak an awm a, an hming tarlang vek rihlo mai ila. He School a din theih nana sulsutu pawimawh tak mai Rev. C. Vanlalhruaia Bungtlang ‘S’ Bialtu Pastor erawh sawi lan loh phal chi a ni lovang.

I hria em? Dan maksak deuh deuh te....?

Alabama-ah Savawm in sualtir khap tlat ani.

Alabama-ah tho hian hmuihmul lem vuah khap tlat ani, a chhan chu biakinah nuihza a thlen thin a.

Alaska ah chuan  sazu anung  chunga thlawhna atanga  paih thlak hi khap bur ani.

Arizona ah chuan misualin an beithut che anih pawhin an hriam hrei hman ang chiahin I bei let ve tur a ni, hriam hrei dang hman phal anilo.

Miricopa county (country anilo ania) ah chuan hmeichhe paruk arualin in khat ah chen phal ani lo.

Tombstone ah chuan hmeichhia leh mipa kum 18 tling tawh chuan an nuih laiin an ha bal pakhat aia tam tih lan khap tlat ani.

Ngengtlang

 

                                                                 Jeremia Renthlei

Khuavel mawi’n vul reng la,
Zobawm thingtin par vulna.

Ka thlir thin e, Nengtlang,
Nang ngaiin chhun rawl lova, tah ka nap…

Thing dep e, vawl lung e, anti maw,
Awi ka lai a na lutuk.

September 2012 Hringnun Hlimthla

Kut dawh a tla chhe ve ngai lo.

Mistiri thiam lo chuan a hmanrua a sawi sel thin.

Savate hi an hram dan atang a hriat hran theih a nia.

 

Arpui dum paw’n artui var tho ani a awp ni.

 

Zawhte chu a kut I tuam sak chuan sazu aman thei lovang

Tuitla chuan buhpawl pawh a man duh.

Mi a in darkar khat chhungin miffing kum sarih chhan theih loh zawhna a zawt thei.

Lawng lian tak tak chuan tui thuk a mamawh.

I pawisa ip a rih poh leh I rilru a zang huai ang.

Hmunphiah thar chuan a phiat fai nge nge thin.

Chinghnia chu chinghnia-in an hria angin rukru chu rukru vekin an hria.

Nun Hlui............!!!!

                                                                   Composed by H. Lalchharliana
Ka han dawn a nunhlui liam hnu.

Kan vanglainite leh hlimni zawngte.
Hlimtea kan lenna tlang leh mual te
Kei ka tan lunglen ti zualtu mai a ni

Aw theih chang se kan hlimlainite kha
Kohkir leh ka nuam kum sang atan
Mahse hringmite tan khuanu’n alo duan angin
Kirzai an rello kan hlim nite’n

Di Tuahrem Loh

                                                                                             Composed by Jeremia Renthlei

Hrangchhuana’n Chawngmwii a hêl,
Hlimte'n an lêng, D tuah an rêl.

Ainawnpar, sakhmel dartui luan;
Nang ngaiin thliahhnu chhawl ang ka uai e.

Rangka dartui ianga sakhmel mawi;
Lairil a’n nghilh I har ngei e.

Pu Lianhranga Kan chan ta....!

Kum 2010 Krismas laia an thlalak

Pu Lianhranga (Parkimi pa)kum 75 chuan zanin dar 10 khan thisen sang avanga rei tak a natna chu tuar lohvin chatuan ram min lo pan san ta, Pu Lianhranga hi tuna Ngengpuitlang vengthar a awm lut hmasa ber ani a, Ngengpuitlang a lo awm hmasa pawl ani bawk ani. Naktukah Ngengpuitlang thlanmuala vuiliam a ni ang. Khawhar chhungte Lalpa'n awmpui rawh se....

SU leaders.

Kan zirlai pui Jessy Laltlanzauva leh Jeremia te chu an college SU ah uncontested ve ve in thlantlin an ni a, kan lawmpui tak meuh meuh ani. C-tea hi Pachhunga University College Magazine Editor a thlan tlin ania, Jeremia-a hi Government Lawngtlai College-ah common room secy thlan tlin ani bawk ani. Hruaitu fel tak an nih theihnan Pathianin awmpui hlawm mawlh rawh se. 

I hria em....?

Mihring zaah sawmpakhat te hi veikhawr anni.

August thla hian naupiang an tam ber thin.

I thil ei kha i chil khan rawn pawlh lo sela chuan a tuina i hre loving.

Hawain ho chuan hawrawp 12 chauh an nei. Mizo chuan hawrawp 25 kan nei.

Savate hian leihipna tel lovin thil an lem thei lo an tit lat.

English alphabetah ‘E’ an hmang lar ber a, ‘Q’ hi hman khat ber ani thung.

Khawmualpui(Continents)te hi an hawrawp bul tanna in an tawp leh vek.

Thla bial zan a piang in ngun takin thla khi enla, lehlam pang chauh i hmu thin tih hria ang che(a lehlampang hmuh a chakawm khawp mai)

Insect kan tih te hian ke paruk an nei vek tih hriat tur.

Chung U te hian mitmeng chungin thil an dawlh thei lo, (i hachhiau lain i mit i meng thei lo ang deuh kha ani mahna)

Current awm dawn tawh?

Ngengpuitlang-ah current a rawn awm hnai ve tawh dawn  a ni mai thei, 28/05/2012 khan kan veng YLA ten Electrict ban rawng hnawihin an inhlawh/hnatlang a, chutih laia kan hriat tur chu, electrict hi engkim peih thlap pawh ni se Ngengpuitlangah electrict department atanga hnathawk an rawn dah hma chu a rawn eng dawn lo hrim hrim......Lawngtlai P&E department a SDO in a sawi danin, 'Hotute lam atangin engmah Ngengpuitlang a hnathawk pek ani lova, chutih laiin Contractor hovin eng eng emaw an rawn sawi ve reng bawk sia, tunah lawk chuan a la tih theih loh hrim hrim' a ti. A enga pawh chu nise 'nghak hram la phun nawi mai lovin' ti leh phawt ang aw.

May thla Hringnun Hlimthla

Muansanga te Sakawr anilo ania

• I taksa kha enkawl ngun hle ang che....i hnuk awmna a ni si a.

• Nun hi thil pek hlu tak ani....nuam takin hmangla, i hlimzia mite hmuh theih turin pholang thin ang che.

• Tumah hnungtawlh zawngin an thang ngai lo. I hma lam en rawh? Nakina i awmdan tur a leh reng saw.

• Mi fing chuan nimin atanga lo chhuak ani tih a in hria a, naktuk lo la awmtur tan Pa ani tih a hai bawk lo.

• I suangtuahna te kha i mumang ang main thamral tir thin suh.

• Beiseina leh tumna chu tha hle mahse thawhrimna in zui loh chuan mumang aiin a ropui chuang lo.

• Hringnun leh football hi an in ang tih hriat tur, Goal ban awmna lam i hriat loh chuan hlawhtlin ni i nei ngai loving.

• I tum i thlen theih loh avang khan lungngai suh, thlen tum pawh nei miah lova hma lam pan ve mawp mawp te ai saw chuan i thleng thui dawn hrim hrim.

• Vanneih i duh em? Thawk nasa la mi vannei i ni mai ang.

Admission ti fel tawh.

Ngengpuitlang Zirlai Aizawla awm te paw'n an admission an ti fel hlawm tawh a, heng a hnuaia mite hi kan veng school naupang Aizawla awm leh an luhna Institution te an ni :
1. Jessy Laltlanzauva (B.Sc)   PUC
2. Lalhmangaihtluanga(B.A Hons) GAC
2. Richard Malsawmtluanga (B.com) GAC
3. F. Lalhuliana (B.A Hons) GAC
4. Lalrinkima (B.Sc) Zirtiri Residential College
5. H. Lalchharliana XII Sc. Greenland Higher Sec School
6. H. Rohluzuali XI Sc. Staine's Memorial Higher Sec School
7. Laltlansangi XI Com. Oikos Higher Sec. School
8. Gospel-i XII Sc. Southern Higher Sec. School.
9. Elizabeth Lalhunhlui Cl -X Southern Higher Sec School.

Hna hmu thar

H. Lalmuansanga s/o H. Alzama chuan nimin dt 17.May 2012 khan Middle zirtirtu hna a hmu thar a, a thawhna hmun tur hi Tuithumhnar a ni. A thawhzelna turah duhsakna sangber kan hlan e.

Kum 2012-2013 Ngengpuitlang LWA hruaitu thar te.

Vawiin Dt 16 May 2012 khan kum 2012 - 2013 Ngengpuitlang LWA hruaitu tur te thlanna YLA hall vengchhakah neih ani a, heng a hnuai a mite hi thlan chhuah te chu an ni :

President : Chhuankimi

Vice President : Rampari

Secretary : Lalchami

Asst Secy : Chanchinmawii

Fin. Secy : Lalmuanpuii

Treasurer : Siamkimi

Rawn thawhtute : Ruthi & Lalrema

Boral

Lalramdinzauvi D/O Lalramthanga kum 1 chu nimin tlai khan malaria avangin Bungtlangah a boral a, vawiin ah vuiliam a ni. Khaw har chhungte Lalpan'n awmpui mawlh rawh se.

'Pakhat zel an kal bovin
ankiam thin chhungte tin te......"

Cl XII result chhuak....

Vawiina MBSE in C XII result an tih chhuah ah kan veng atanga exam pathum zinga pahnih ten hlawh tlinna an chang a, heng hlawh tlinnachang te hi -
F. Lalhuliana IIIrd (Arts) leh
R Lalrinkima IInd (science) te an ni
Ngengpuitlang zirlaite chuan hlawhtlinna changa ngengpuitlang an ti hmingtha hi kan chhuangin kan lawmpui em em a, an kal zelna turah Pathian tanpuina changa mihlawh tling an nih ngei theihna turin duhsakna sangber kan hlan a, chutih rualin tling zo ve lo te pawh beidawng mai lova a leh pek a hlawhtlinna an chan na turin duhsakna kan hlan e.

Kap-a weds Julie

Tlai khaw hnuah in thiam lo deuh chungin lawmpuina thu kan rawn tarlang ve reng reng teh ang. Ni 19. 04.2012 khan TV Satinkapthanga leh Julie Lalromawii te chu Pastor Sumeona'n Pathian hma ah leh kohhran mipui te hma ah a kutsuih tir a. Kapa leh Julie te hi zirlaite thil tih na tinreng a min tan puitute an ni thin a, Ngengpuitlang zirlai pawlte chuan fanau maltluan chawi a nupa hlimtak ni zel tur in duhsakna sang ber kan hlan e. (An in neihni a rawn update kan duh tehreng nen update tu tur kan lo awm lova a tlaikhaw hnuah kan rawn update ani e)

Zirlaite kal darh leh tan ta...!

Ngengpuitlang zirlai hmun hrang hrang a awm khawmte mahni pianna hmunah ngei kan han in hmu khawm leh hlawm chu nuam ve tak a ni. mahse kan chawl rei lo hlawm lulai em a, ngai em em chungin kan khua pawh kan chhuahsan a lo tul leh ta...mahni awmna hmun theuh an zirlaite thahnem ngai ila, kumtawp ah hlawhtlin theuh i tum ang u aw.

Ngengpuitlang atanga pawl sawm exam che chhia.

MBSE in Cl-X result antih chhuah ah khan, Ngengpuitlang atangin exam pakua (9) kan nei a, Mi pahnih an passed a, pakhat english ah a compartment a, passed % hi 22.3% a nia zirlaite kan che chhe lutuk hi pawi kan ti takzet a ni.
kan veng atanga hlawhtlinna changte chu-
1.Laltlansangi d/o R Zoliana. I Div
2. Florence H. Rohluzuali d/o H Zohmingliana III Div
tin, Remmawii d/o Lalpanmeka hi english subject ah a compartment bawk a, hlawhtlinna changte kan lawmpui che u a, hlawhtling velo te pawh theih tawp chhuah a nakumah chuan hlawhtlinna in chan tawh ngei kan beisei e.

NIOS ho exam dawn.

Vawiin hian NIOS(Open) school ten exam an tan dawn a, kan veng atang Vanlalauvi, Lalzemawii, Remlalliana, leh Biakthanpuia te an exam dawn a, hlawhtlinna chang ngei tur in duhsakna sang ber kan hlan e

Good Friday a tiak ta..

Ngengpuitlang kohhran thenkhat te chuan ruai siamin kum 2012 good friday an lawm a. LIKBK te Pu Lalbiakthara te in ah an zai khawm a, Bethesda te Pu Biaklaia te inah, Baptist ho Biakinah, Synod ho hi Pi Kilengi te inah an zai khawm bawk a, kumin good friday chu thli leh ruah a thawk chiam a, monday thlengin ruah hi a la sur a ni. Zirlai tam zawkte khua a anrawn haw lai a ni a, khaw boruak pawh a nuam khawp mai...

Ka hla phuah....

KAN HLIMLAINI ZAWNGTE

                                Albert Ms Tluanga

I.  Mahriak awmhar tinkimdawn chang hian,
    Suihlunglen hi a thar lehthin,
    Rualduh kimte a suihlungrual lai,
    Khuarei nunhlui an chang zo ta.

           Auhkir theih se kan nunhlui te kha.. 
           Kohkir leh ka nuam..
           KAN HLIM LAI NI ZAWNGTE.. 

II.   Sulhnu runin sang leng kan awihna,
      Biahzai hlimtea kan vawrna,
      Fan chang ni hian kan sulhnu zawngte,
      Luaithlipui nul in kan vaie.

III. Awmhar sirva lenthiam iang reng hian ,
      Tlangtin vangkhawpui chuan ila,
      Rualduh hlimlaini kan tawng mahna,
      Nui hiau sakhmel a kan lenlai

March Hringnun Hlimthla

• In tlansiakna kawngdikah chuan tlan mahla I thut miau chuan an tlan pel thovang che.

• Upatna hian lehkha bu tam tak ai chuan finna min pe zawk a nia.

• Mifing chuan mi thil tihsual atangin a in zir a, mi a chuan ama thil tih sual atangin.

• Ngawih reng pawh hi finna en tirna a ni vek kher lo.

• Ruahsur tur a I tawngtai chuan, a tul anga tuihawk buaipui turin in peih nghal ang che.

• Pheikhawk I neilova Pathian I sawi sel nghal a mi, I hma a Ke neilo saw en t ache.

• Thli nat na hmun a piangah Thingin Zung an kai thuk thin.

• Tu pawhin tui fawn loh lai chuan Lawng karfung chu an vuan ngam ang chu.

Rds Company a motor khalh turin kan veng atang mi pathum an tling.

Rds company te’n nimin piah khan an company motor khalh tur Driver an thlang a, hetah hian kan veng a tangin Lalawmawia, Nichungliana leh Hmingmaka te an tling a. Rulkual lamah andah dawn ni awm tak ani. Rds Company te hi India leh Burma in kalpawhna tur kawng pui laitute an ni a, Tunah hian Ngengpuitlang (kan khaw) bulah camp nei in kan veng mi tamtak te pawh an hnuaiah hian an in hlawh nghe nghe a ni

Champion ve tlat.......!!!

Kan zirlai phaia awm H. Vanlallura M.Phil, Tiruchirappalli-a zirlai chu an college sport-ah carrom Board ah leh Chess ah a champion a, tin H. Lalthlengliana B.A, MCC, Chennai a zirlai chu an College sportah Carrom Board ah leh Table Tennis ah a champion ve bawk a ni. Ngengpuitlang zirlai pawlten kan chhuang hle.

Ngengpuitlang val upa H. Chhawmliana'n a kawppui tur a hruailut ve ta.

Nikum Krismas lai kha chuan tun hun lo thlengtur hi a hre lawk tawp lovang le..?

Ngengpuitlang Val Upa H. Chhawmliana chuan nimin khan a nakruh bo a hmu let leh ta. A nupui hi editorial Board te'n khawilam ami nge, tunge a hming tih kan la hre chiah lova, kan hriat hunah chiang zawkin kan rawn post tha leh ang. H. Chhawmliana'n nupui anei hi lawmpuitu an thahnem viau turah kan ngai a. keini pawn thinlung takin kn lawmpui ani. Fanau maltluan chawi a hringnun hlimtaka hmangdun turin ngengpuitlang zirlaite chuan duhsakna sangber kan hlan e

Class X leh XII exam lai...

Vawin atang Cl- X board exam an tan dawn niawm tak ani, kan veng aiawha exam turte (Kan koh duatna in)

1. Masangi d/o R. Zoliana

2. Lapuii d/o T. Remlalliana

3. Mahruaia S/o K. Saidenga

4. Tuaii d/o Upa L. Zahmuna

5. Remi d/o Lalpanmeka

6. Ruthi d/o K Ramnghaka

7. Madinga s/o K. Rinawma

8. Zuali d/o H. Zohmingliana

9. Piani d/o ?


tin Class XII an exam tep tawh ani awm a Class XII examtur kan hriat theih te

1. Valpuia s/o T. Remlalliana

2. Rinkima s/o R. Zolianaa

3. Mahua s/o Laldika

4. Gospeli d/0 Laldika

ziah hmaih kan neih loh hram kan beisei.  Kum hmasa khan kan veng atanga Cl X exam 100% an passed a, kumin hian engtak ang ang maw. Pass ngeiturin duhsakna kan hlan theuh e.

Ngengpuitlang Students' Union Hruaitu thar te

Ngengpuitlang Students' Union te chuan Ni 7. February 2012 khan Hruaitu in siam/thlan thatna an nei a a hnuaia mite hi Ngengpuitlang Zirlai Hruaitute an ni :

President             :  Jeremia R Lalfakzuala 
Vice President    : Albert Malsawmtluanga
Secretary            : Jessy J Laltlanzauva
Asst. Secretary  : T. Lalhmangaihtluanga
Fin. Secretary    : Richard Malsawmtluanga
Treasurer           : T. Lalbiaksangi

Committee memberte :

H. Lalchharliana
F. Lalhuliana
H. Lalhlimawma
H. Lalthangliana
H. Ramchungliana

Enge an sawi.....?

An ni chuan an ti thei tlat a lawm, a chhan chu theiah an in ngai tlat a.  

                                                -Vergil

I ngaihtuah ang ang kha I nihna chu ani mai.

                                                            –Buddha

Enge kan neih kan ngaihtuah khat khawp mahse kan neihloh erawh chu kan ngaihtuah reng si a.

                                                            -Arthur Schopenauer (1788-1860)

Chawl lovin hmalam pan zel rawh, tum pakhat chauh nei bawk la,  Chu chu hlawhtlinna bul ani mai.

                                                            - Anna Pavlova (1885 - 1931)

Hlawhtlinna chahbi sawitur ka hrelo mahse hlawhchhamna chahbi erawh ka hria mizawng zawng tih lawmtum hi ani. 

                                                            -Bill Cosby (1937 - )

Nang chuan thil I hmu a ‘Engah nge?’ tiin zawhna I siam a, mahse kei erawhin thil ni theilo pui pui ka suangtuah kual vel a ‘engah nge’ pawh ka ti hlei law.

                                                - George Bernard Shaw (1856 - 1950), "Back to Methuselah

I suangtuahna a tawp tawh chuan I muhil a ni chiang mai.

                                                -Ralph Green and Gregory Garcia

Mi a chuan hlatakah hlimna a zawng thin a, miffing chuan a kebulah a chhar mai a ni.

                                                -James Oppenheim

                                                                                                              - H. Vanlallura

February Hringnun Hlimthla

• Vawiina I nihna kha I nihna dik tak ani mai, chu aia thudik a awmlo. Nangmah ang khawvelah an awm miau lova.

• A changchuan zawhna khirh tak tak te pawh hian chhanna mawl tak tak a hlawhchhuak fo  a nia.

• Pan lam tur ber I hriat Ioh chuan I hma a kawng awm awm kha zawh tawp rawh, khawi hmunah emaw chuan a hruai thleng hrim hrim ang che.

• Hringnun pawh hi thirsakawr ang a nia, chuan dan I thiam chauhin a ni hmalam I pan theih dawn ni.

• Thihna chuan in lai chinna ni lovin nunna zawk ani a tih tawp thin ni,

• Rimawi tel lo chuan hringnun hian kawng a zawh sual chawk zel.

• I rilru chhungril a I vei em em, I sawi chhuahloh aia natna thlentu che kha  a awm lo ania.

• I duh zawng anih loh chuan thlak mai rawh, I thlak thei lo anih chuan I rilru kha thlak zawk mai ta che. Sawi sel miah suh.