Nun Hlui............!!!!

                                                                   Composed by H. Lalchharliana
Ka han dawn a nunhlui liam hnu.

Kan vanglainite leh hlimni zawngte.
Hlimtea kan lenna tlang leh mual te
Kei ka tan lunglen ti zualtu mai a ni

Aw theih chang se kan hlimlainite kha
Kohkir leh ka nuam kum sang atan
Mahse hringmite tan khuanu’n alo duan angin
Kirzai an rello kan hlim nite’n

Lenrualte u in dawn ve ngai em?
Suihlungruala darang kan lenlainite
Vanrâng chhum iang an ral zel hi
In phal em ni, kei zawng ka phal theilo.

Aw engtikah tak tawng leh ang I maw?
Ngailo ang maia liam hnu kan nunhlui kha
He khawvel mawitaka siamtu lah hian
Vawikhat hun tawn tawh tawn leh min phalsak tawh silo

A rei lo em a ni kan vanglai hun hi
Khuanu hian alo duang sual em ni;
Nge, kei lungmawl hian ka dawn thiam lo zawk
Engpawhnise I pamhmai lua e; hmanlai i chang maitur hi
Aw NUNHLUI.

(Hei hi kan Zirlaipui Lalchharliana’n Boston Higher Secondary School-a a luhlaia Magazine a chhuah tur a a phuah a ni a, Boston Magazine lama chhuak ta lo chuan kan blog lamah kan rawn ti chhuak ta zawk anih hi. Kan la ngai dawn ani kan Nunhluite)