Forest R.O Upa L Zahmuna Pension ve ta....!

Kum 2010 Krismas-a a thusawi lai

Ngengpuitlangah hian sawrkar hnathawk kan tam lo hle tih chu tlang hriat a nia. Kan Sawrkar hnathawk awm chhunte pawh an pension ta pheuh pheuh mai. Heng kan sawrkar hnathawkte zinga khawtlangin a kan chhawr a, kan ban ngam Upa L. Zahmuna pawh Oct 31 2011 khan a pension ve ta.

A Chanchin tawi : Upa L Zahmuna hi Kiauling leh Sangthimite fapa niturin July ni 17, kum 1952 khan Tuithumhnarah a pianga. Unau pali an ni a. Zirna lamah chuan harsatna avangin athleng sang lova. Kum 1973,
Jan 10ah Rozami nen an in nei a. Vanneihthlak takin Kum 1973 March 27-ah Forest Department-ah peon in a lut a, kum 1975-ah Forest Guard-ah a kai sang a, Kum 1994-ah Forester-ah a kaisang lehin,  kum 2007 atangin R.O (incharge)niin a pension thlengin a hna hi rinawm takin a thawk a ni.
Upa L. Zahmuna hi kohhran leh khawtlangah a in hmang hle a, Kum 1983 atang Pathian rawng a bawl tan a, kum 2007 Nov 11 ah Upa atana nemnghet a ni. Amah hi harsatna tamtak ten an hual lai pawh a Pathian bel tlat mi a ni a. Mirethei leh harsa zawkte a ensan ngailo Ngengpuitlang tan pawh Pa nih a tling hle a ni. Ngalfima min dampui reng turin duhsakna kan hlan e.

‘I hmangaih chu a damlai ngeiin Pangpar pe ta che’