*NGENGPUITLANG KHUA LO IN DIN DAN*
Kum 1926-27 ah Saizawh ‘E’ kai, Ngengpui Lui atang achhim lam, Ngengpuitlang atangin tuna Ngengpuitlang khua atanga chhimlam 1 Km a hla, ‘Hmunhlui’ an tihah an lo in sawn a, Kum 5-6 vel an awm hnuah, kum 1932-33-ah hmunhlui atangin Tuithumhnarah an insawn leh a. Hmunhluia an awmlai hian kohhran a ding a, Chhungkua a kristian hmasate chu Buailaia (Aikulha pa) Palova (Suichiaipa) Hrengduna (Tuanipate) tê an ni a. Kristian dangte pawh an awm a, a changin ‘Kachawl’ anti a, a changing kohhranah an awmleh thin.
Kum 1937-ah Tuithumhnar atangin Ngengpui Lui bul, Ngengpuitlang khawhlui-ah Muchiha hovin an let leh a. Kum 1943-ah tuna Ngengpuitlang khua ah hian, Muchiha hovin an lo let leh ta a, an awmhlen ta a ni.
Hmunhluia an awmlai hian Khaw hmingah Tuithumhnar tih an pu a, tuna Tuithumhnara an in sawn hian khaw hmingah an chhawm a, Ngengpui Lui bula an awm laia an khaw hming chu Muchiha ho a an lo let leh hian an lo chhawm veleh a. Ngengpui Lui hlata awm si hian ‘Ngengpuitlang’ chu khaw hmingah an lo pu hlen ta a ni.
Kum 1960-ah Ngengpuitlang Village Boundary chu Pu Cheutuma hoin siamfel a ni.
*K. Lalrinawma.*
*Ngengpuitlang*
