Ngengpuitlang FC, NECS Lai cup a rawn khel te chu Round of 16 ah College veng 3-1 a hneh lovin Quarter Final an thleng zo lo. Ngengpuitlang FC te hian Lungpher FC te chu Penalty shootout hmangin 3-1 in an lo hneh tawh a, mahse Quarter final erawh an thleng zo ta lo a ni. Kan player te duhthusamin an fit lo tih a hriat a. First half ah 2-0 in college veng ten hma an hruai a, second half tan anih hian Ngengpuitlang FC te hian an theihtawpin an nawr nghal a, Penalty hmangin Lalhuliana'n goal khat a khung ve nghal a, Ngengpuitlang FC te goal nawr ana hle a, mahse Ngengpuitlang FC Keeper Sangthanmawia chuan Red card a hmu a, Kim lova an khelh hnu pawh hian an goal nawr a la na hle a. Mahse Lalhruailiana'n Box chhunga College veng player a tih tluk avangin College vengin goal khat an thun belh leh a, Ngengpuitlang FC te beiseina a rawn chhutchhiat sak leh ta vek a ni. Ngengpuitlang FC te hi Mampui thlang lampang atang a Round of 16 lut awm chhun an ni.
